Kayıtlar

Mənmi günahkaram, sənmi günahkar?

Susuram danışa, dinə bilmirəm, Aynaya baxıram, kimdi bu lal-kar ? Biz niyə ayrıldıq, niyə bilmirəm ?! Mənmi günahkaram, sənmi günahkar? Keçmişik illərin sınaqlarından, İllər yaş tək axıb yanaqlarından, Kim öpdü mən öpən dodaqlarından? Hansımız bu eşqə olduq riyakar? Mənmi günahkaram, sənmi günahkar? Biz nəyi itirdik, nəyi qazandıq? Kimdən keçəmmədik, kimdən utandıq? Kim idi o şeytan, kimə aldandıq? Hansımız bu eşqdə olduq tamahkar? Mənmi günahkaram, sənmi günahkar? Zülmət gecələrim nuruna möhtac, Bu ürək illərdir məhəbbətə ac Bəlkə daha yoxdur sənə ehtiyac? Hansımız bu eşqdə olduq cəfakar! Mənmi günahkaram, sənmi günahkar? Elvin ABBASOV 18.09.2019   21 :20
Yorum Gönder
Devamı

Danışsam dərd olur susuram qəhər

Aramıza girmiş lal dinməz dərdlər, Ürəklər qəmlənmiş, gözlərdə kədər, Süzülən damcılar atəşə bənzər, Danışsam dərd olur, susuram qəhər. Könül bağlarımın səfası yoxdur, Yar açan yaramın şəfası yoxdur, Daha nə deyim ki, dahası yoxdur, Danışsam dərd olur, susuram qəhər. Ya Rəbbi, yazını silsən olarmı ? Qələmin tək güclü, pozanın varmı ? İstəsən bu dua qəbul olmazmı ? Danışsam dərd olur, susuram qəhər. Kamala çatmayıb hələ bir arzu, Gör nə tez sönübdür tale ulduzu, Qəlb yanır, ərimir bəxtimin buzu, Danışsam dərd olur, susuram qəhər. Elvin ABBASOV 15.09.2019 – 18:30
Yorum Gönder
Devamı

Bilmirəm daha

Nəvaxtdır küsmüşəm özüm-özümdən, Aynada göz-gözə gəlmirəm daha. Bilmirəm inciyim, küsüm özümdən, Özümlə barışa bilmirəm daha. İçimdə sükutum, lal səssizliyim, Üzümdən oxunur həvəssizliyim. Quru təbəssümtək solmuş talehim, Sönmüşəm alışa bilmirəm daha. Özümlə barışa bilmirəm daha. Hərkəsdən gizlənib, qaçar kimiyəm. Qıfıla düşməyən açar kimiyəm. Qırıq qanadlarla uçar kimiyəm, Bəxtimlə yarışa bilmirəm daha. Özümlə barışa bilmirəm daha. Vəfa yox güvənim yarın sözünə, Talehin qələmi keçib əlinə, Sürmətək çəkibdir qara gözünə, Yar ilə baxışa bilmirəm daha. Özümlə barışa bilmirəm daha. Təbəssüm eyləyir acı kədərim, Gələnə nisbətdə ötən günlərim, Ömür həmdəmimi tapa bilmədim, Qaynayıb qarışa bilmirəm daha. Özümlə barışa bilmirəm daha. Elvin ABBASOV 13.09.2019 – 14:30
Yorum Gönder
Devamı